“رغم الاشكالات التي حصلت لكن الواحد بيزعل وبيحزن على فراق الشخص نفسه وأنا بحبه جدًا وبكن له كل الحب والاحترام”.. بهذه الكلمات وصفت الفنانة منة عرفة علاقتها بطليقها محمود المهدى الذى انفصلت عنه الشهر الماضى.
وقالت منة عرفة فى تصريحات تليفزيونية عن طلاقها: “ده قرارنا إحنا الاثنين لأن الموضوع بنا مبقاش حب ورومانسية زى الأول، وفجأة الدنيا بقيت مشاكل كتير وأول مرة انفصلنا فقط والطلاق لم يتم رسميًا على الورق، والمرة الثانية انفصلنا أيضا ودلوقتى إحنا ماشيين فى إجراءات الطلاق الرسمي”.
وعن احتمالية عودتها لطليقها مرة أخرى علقت منة عرفة : “ديه بتاعت ربنا.. أنا مش بكرهه بالعكس ده شخص عشت معاه حاجات كتير أوى وكانت سنة فيها حاجات حلوة وحاجات وحشة”.
وتطرقت عرفة خلال اللقاء إلى موضوع زواجها من الفنان على ربيع وأكدت أنه غير حقيقى قائلة: كنت فى سحور منذ 4 سنوات وكان ربيع معانا على نفس الترابيزة وكان بيهزر وقال لوالدتى أنا عايز أتجوز بنتك وكان يجلس معنا صحفى فاعتبر الموضوع حقيقيا ونشره”.
ما حقيقة تهجًم منة جلال على منة عرفة بسبب الهام شاهين .
اذ هاجمت الفنانة منة جلال، الفنانة منة عرفة بعد رفض الأخيرة تدخل الفنانة إلهام شاهين في مشاكلها الفنية.
وكتبت جلال، عبر حسابها الشخصي بموقع “فيسبوك”: “منة عرفة أنتي رصيدك إيه عشان تتكلمي بالطريقة دي وبالأسلوب غير المحترم فى برنامج، على النجمة إلهام شاهين”.
وأضافت: “طب حتى احترمي فرق السن وقولي أستاذة مش أنتي. إيه الأسلوب ده؟!.. اتعلمي حتى من الأجيال اللى قبلك عشان تعرفي تحترمي النجوم الكبار”.
وكانت منة عرفة قالت في حوارٍ تليفزيوني مؤخرًا في رسالة لـ إلهام شاهين: “احتفظي برأيك لنفسك.. محدش طلب رأيك هو إحنا لازم نتباس ونتحضن عشان نمثل”.
